Myunxenning "Bavariya" klubi yarim himoyachisi Leon Goreska kelayotgan yozda shartnomasi yakuniga yetgach, o‘z kuchini Angliya Premyer-ligasida sinab ko‘rmoqchi. Bu haqda "Bayern Insider" nashri xabar bermoqda.

Manba bergan ma’lumotlarga ko‘ra, 31 yoshli germaniyalik xavbek Londonning "Arsenal" klubiga o‘tishni rejalashtirmoqda. Avvalroq "kanonirlar" tajribali futbolchiga qiziqish bildirayotganini ma’lum qilishgan edi.

Joriy mavsumda Goreska Germaniya chempionatining 18 ta bahsida ishtirok etib, bitta gol urishga muvaffaq bo‘ldi.

Leon 2018 yilning yozidan buyon "Bavariya" sharafini himoya qilib kelmoqda. Yarim himoyachining transfer qiymati 15 million yevroga baholanmoqda. Uning amaldagi shartnomasi iyun oyi oxirida yakuniga yetadi.