"Komo" ustozi Sesk Fabregas Italiya chempionatining 25-turi doirasida "Fiorentina"ga qarshi bo‘lib o‘tadigan bahs haqida gapirdi.
"Bizga kuchli raqib qarshilik ko‘rsatadi. "Fiorentina" — katta tarixga ega jamoa, shu sababli ularning A Seriyadagi hozirgi holati ko‘pchilikda hayrat uyg‘otmoqda. Bu ikkala jamoa uchun ham muhim o‘yin bo‘ladi. Biz uchun ham, ular uchun ham ko‘p narsa xavf ostida", — deya ispaniyalik murabbiyning so‘zlarini keltiradi klub matbuot xizmati.
"Komo" va "Fiorentina" o‘rtasidagi uchrashuv bugun, 14 fevral kuni bo‘lib o‘tadi, o‘yin Toshkent vaqti bilan soat 19:00 da boshlanadi. Bugungi holatga ko‘ra, mezbonlar A Seriya jadvalida 6-o‘rinni egallab turibdi, "binafsharanglilar" esa 18-pog‘onadan joy olgan.
