"Комо" устози Сеск Фабрегас Италия чемпионатининг 25-тури доирасида "Фиорентина"га қарши бўлиб ўтадиган баҳс ҳақида гапирди.

"Бизга кучли рақиб қаршилик кўрсатади. "Фиорентина" — катта тарихга эга жамоа, шу сабабли уларнинг А Сериядаги ҳозирги ҳолати кўпчиликда ҳайрат уйғотмоқда. Бу иккала жамоа учун ҳам муҳим ўйин бўлади. Биз учун ҳам, улар учун ҳам кўп нарса хавф остида", — дея испаниялик мураббийнинг сўзларини келтиради клуб матбуот хизмати.

"Комо" ва "Фиорентина" ўртасидаги учрашув бугун, 14 февраль куни бўлиб ўтади, ўйин Тошкент вақти билан соат 19:00 да бошланади. Бугунги ҳолатга кўра, мезбонлар А Серия жадвалида 6-ўринни эгаллаб турибди, "бинафшаранглилар" эса 18-поғонадан жой олган.