"Pari Sen-Jermen" yarim himoyachisi Vitinya Liga 1 doirasida "Renn"ga qarshi boy berilgan o‘yindan (1:3) so‘ng o‘z fikrlarini bildirdi.
"Qizil-qoralar" parijliklarning chempionatdagi yetti o‘yindan iborat g‘alabali seriyasiga chek qo‘yishdi. Mehmonlar tarkibidagi yagona golni 72-daqiqada Usmon Dembele kiritdi.
"Bu aniq biz kutgan natija emas. Yaxshi o‘yin ko‘rsatgan raqibga munosib baho berish kerak. Biroq, hatto "Renn" o‘z tarixidagi eng yaxshi o‘yinini o‘tkazgan taqdirda ham, biz o‘z darajamizdan kelib chiqib, baribir g‘alaba qozonishimiz shart edi", — deya Vitinyaning o‘yindan keyingi intervyusidan iqtibos keltiradi "PSG Community".
"PSJ" 51 ochko bilan jadvalda peshqadamlik qilmoqda, ammo zaxirasida bitta o‘yini bor bo‘lgan "Lans" ulardan atigi ikki ochko ortda qolmoqda.
