"Liverpul" bosh murabbiyi Arne Slot Angliya Premyer-ligasi jamoalarining o‘yin uslubidagi o‘zgarishlar haqida to‘xtaldi.
Shanba kuni mersisaydliklar Angliya Kubogi doirasida "Brayton" ustidan g‘alaba qozonishdi (3:0). O‘yindan keyingi suhbatda niderlandiyalik mutaxassis mahalliy futboldagi taktik trendlar haqidagi jurnalistlar savoliga javob berdi.
"Zamonaviy Premyer-liga — bu endi darvoza oldidan qisqa uzatmalar bilan o‘yin boshlash haqida emas. Endi asosiy urg‘u uzun uzatmalar va standart vaziyatlarga qaratilmoqda", — dedi Slot o‘z intervyusida.
Joriy mavsum davomida "qizillar" ustozi yopiq va oddiy uslubda o‘ynaydigan raqiblarga qarshi jamoasi qiynalayotganini bir necha bor ta’kidlab o‘tgan edi.
