"Liverpul" yarim himoyachisi Dominik Soboslai Angliya Kubogi doirasida "Brayton" ustidan qozonilgan g‘alabadan so‘ng (3:0) intervyu berdi.

25 yoshli vengriyalik futbolchi uchrashuvning 56-daqiqasida gol urib, bahs qahramonlaridan biriga aylandi. Shuningdek, Kyortis Jons va Muhammad Saloh (penaltidan) ham o‘z hisoblariga bittadan gol yozdirib qo‘yishdi.

"Mening golim? Bunday zarbalar har doim ham o‘xshayvermaydi, lekin oxirgi paytlarda yomon chiqmayapti. Shu ruhda davom etishni va imkon qadar tez-tez gol urishni istayman.

Men Stiven Jerrard emasman. U — "Liverpul" afsonasi, ammo men o‘z shaxsiy tariximni yozishni xohlayman", — dedi Soboslai "TNT Sports"ga bergan intervyusida.

Yarim himoyachi hisobida joriy mavsumdagi 35 ta o‘yinda o‘nta gol va yettita golli uzatma mavjud.