«Yuventus» himoyachisi Gleyson Bremer bir nechta klublarning e’tiborida bo‘lib turibdi. «Calciomercato» nashrining xabar berishicha, 28 yoshli braziliyalik futbolchining shartnomasida tovon puli haqida band mavjud emas va «keksa sinyora» o‘yinchini sotishni istamayapti. Transfer faqat juda jozibador taklif tushgan taqdirdagina amalga oshishi mumkin — bu summa kamida 70 million yevroni tashkil etishi kerak. Bremerning o‘zini ham qiziqtirish oson bo‘lmaydi, chunki u «Yuventus»da o‘zini xuddi o‘z uyidagidek his qilmoqda.

Bremerni kuzatib borayotgan va taklif berishi mumkin bo‘lgan klublar qatorida «Chelsi», «Liverpul» va «Bavariya» nomlari keltirilmoqda.

2025/2026 yilgi mavsumda Bremer 19 ta o‘yinda ishtirok etib, o‘z hisobiga uchta gol va ikkita golli uzatmani yozdirib qo‘ydi.