«Barselona» bosh murabbiyi Xans-Diter Flik matbuot anjumanida ishtirok etdi. Tabiiyki, jurnalistlar yana «Atletiko»ga qarshi o‘yin mavzusini ko‘tarishdi. Kataloniyaliklar Ispaniya Kubogida 0:4 hisobida mag‘lub bo‘lishgan edi.

— «Atletiko»ga qarshi o‘yindan qanday saboq chiqardingiz?

— «Atletiko» kurashga, haqiqiy jangga tayyor edi. Bu Chempionlar ligasi darajasidagi o‘yin bo‘ldi, bizga esa dastlabki 45 daqiqada raqobatdosh bo‘lish uchun ishtiyoq yetishmadi. Ular yakkakurashlarda kuchliroq, harakatlarda esa dinamikroq edilar. Bugungi mashg‘ulotda ko‘rganlarim menga manzur bo‘ldi. Endi buni o‘yinga ko‘chirish kerak. Mag‘lubiyatlar bo‘lib turadi. Eng muhimi — unga qanday munosabat bildirishing.

16 fevral kuni «Barselona» safarda «Jirona» mehmoni bo‘ladi.