Dortmundning «Borussiya» klubi 28 yoshli laterali Yulian Ryuerson Ispaniya chempionatiga ko‘chib o‘tishi mumkin. Bu haqda Bild jurnalistlari xabar bermoqda.
Manbaga ma’lum bo‘lishicha, himoyachiga Kataloniyaning «Barselona» klubi qiziqish bildirmoqda. «Ko‘k-anorranglilar» yozgi transfer oynasida Ryuersonni qo‘lga kiritishga harakat qilib ko‘rishlari mumkin. Agar «Borussiya» norvegiyalik futbolchi uchun manfaatli taklif olsa, uni qo‘yib yuborishga tayyor.
Germaniya chempionatining joriy mavsumida Yulian 20 ta uchrashuvda maydonga tushdi va o‘z hisobiga 11 ta golli uzatmani yozdirib qo‘ydi. Skandinaviyalik futbolchining «arilar» bilan amaldagi shartnomasi 2028 yil iyun oyi oxirida yakuniga yetadi.
