Дортмунднинг «Боруссия» клуби 28 ёшли латерали Юлиан Рюэрсон Испания чемпионатига кўчиб ўтиши мумкин. Бу ҳақда Bild журналистлари хабар бермоқда.
Манбага маълум бўлишича, ҳимоячига Каталониянинг «Барселона» клуби қизиқиш билдирмоқда. «Кўк-анорранглилар» ёзги трансфер ойнасида Рюэрсонни қўлга киритишга ҳаракат қилиб кўришлари мумкин. Агар «Боруссия» норвегиялик футболчи учун манфаатли таклиф олса, уни қўйиб юборишга тайёр.
Германия чемпионатининг жорий мавсумида Юлиан 20 та учрашувда майдонга тушди ва ўз ҳисобига 11 та голли узатмани ёздириб қўйди. Скандинавиялик футболчининг «арилар» билан амалдаги шартномаси 2028 йил июнь ойи охирида якунига етади.
