Portugaliyaning «Benfika» klubi darvozaboni Anatoliy Trubin Madridning «Real» jamoasi darvozasiga kiritgan goli haqidagi xotiralari bilan o‘rtoqlashdi. Ushbu gol «burgutlar»ni Chempionlar ligasi pley-off bosqichiga olib chiqqan edi.
«Futbol o‘ynashni boshlaganimdan beri (6 yoshimdan), gol o‘tkazib yubormaslik uchun qattiq ishladim va qo‘limdan kelgan barcha ishni qildim. Endi esa birgina vaziyatdan so‘ng ko‘pchilik meni gol urganim uchun taniydigan bo‘ldi», — deya Trubinning so‘zlarini keltiradi The Athletic.
«Bu sodir bo‘lganiga hali ham ishona olmayapman. Bugun mashg‘ulotni tugatganimda, bir muxlis meni suratga tushish uchun to‘xtatdi va gol zo‘r bo‘lganini aytdi. Bu aql bovar qilmas holat. Bu lahza doimo men bilan qoladi».
Trubin «Benfika» keyingi bosqichga chiqishi uchun yana gol kerakligini bilmagan bo‘lgan. «Biz jarima zarbasi ishlab olganimizda, murabbiy menga oldinga borishni ishora qildi. Men kimdandir: "Bizga yana gol kerakmi?" deb so‘radim.
O‘yin paytida o‘ylamaysan. Shunchaki harakat qilasan. Bu vaziyat juda tez sodir bo‘ldi. Ehtimol, uzatma ideal bo‘lgani uchundir yoki shunday bo‘lishi kerakligi uchun sodir bo‘lgandir».
Chempionlar ligasi pley-off bosqichida «Benfika» yana Madridning «Real» klubi bilan to‘qnash keladi. O‘yinlar 17 va 26 fevral kunlari bo‘lib o‘tadi.
