Lionel Messining MLSga kelishi nafaqat «Inter Mayami»ning natijalariga, balki butun liganing moliyaviy holatiga ulkan ta’sir o‘tkazdi.

Forbes nashrining xabar berishicha, argentinalik yulduz sababli klubning yillik daromadi 56 million dollardan 200 million dollargacha ko‘tarildi.

Bundan tashqari, jamoa o‘z tarixida ilk bor sovrinlarni qo‘lga kiritdi va aylanma mablag‘i 1,35 milliard dollarga yetgan MLSdagi birinchi franshizaga aylandi. Messi nafaqat maydonda, balki uning tashqarisida ham klubning mavqeini ko‘tarib, Amerika futboli iqtisodiyotini yangi bosqichga olib chiqdi.