Yarim himoyachi Tommazo Pobega rasman «Bolonya» futbolchisiga aylandi — endi u ijaradagi o‘yinchi emas, balki klubning to‘laqonli a’zosi hisoblanadi. Ushbu transfer natijasida «Milan» 7 million yevro ishlab oladi. Pobega bilan 2030 yilgacha mo‘ljallangan shartnoma imzolandi.
Futbolchini majburiy sotib olish bandi 15 fevraldan keyin kuchga kirdi. Yarim himoyachi allaqachon klub safida ijara asosida ikki mavsumni o‘tkazib, jami 55 ta o‘yinda maydonga tushishga ulgurdi. Ushbu bahslarda Tommazo 7 ta gol urdi va 5 ta golli uzatmani amalga oshirdi.
Hozirda «Bolonya» Italiya A Seriyasi turnir jadvalida 8-o‘rinni egallab turibdi.
