Ярим ҳимоячи Томмазо Побега расман «Болонья» футболчисига айланди — энди у ижарадаги ўйинчи эмас, балки клубнинг тўлақонли аъзоси ҳисобланади. Ушбу трансфер натижасида «Милан» 7 миллион евро ишлаб олади. Побега билан 2030 йилгача мўлжалланган шартнома имзоланди.

Футболчини мажбурий сотиб олиш банди 15 февралдан кейин кучга кирди. Ярим ҳимоячи аллақачон клуб сафида ижара асосида икки мавсумни ўтказиб, жами 55 та ўйинда майдонга тушишга улгурди. Ушбу баҳсларда Томмазо 7 та гол урди ва 5 та голли узатмани амалга оширди.

Ҳозирда «Болонья» Италия А Серияси турнир жадвалида 8-ўринни эгаллаб турибди.