Superliga yangi mavsumiga BAAda tayyorgarlik ko‘rayotgan «Dinamo» jamoasi ikkinchi yig‘in doirasidagi 4-o‘rtoqlik o‘yinini qo‘shni mamlakat jamoasiga qarshi o‘tkazdi.

Vadim Abramov murabbiyligidagi Samarqand jamoasi Qozog‘istonning eng sovrindor klubi – 7 karra chempion «Astana»ga qarshi maydonga tushdi. O‘tgan yilgi vise-chempionga qarshi bahsning birinchi bo‘limida “dinamochilar” qator imkoniyatlardan foydalana olmagan bo‘lsa, raqiblar ilk vaziyatda penalti ishlab, 11 metrlik jarima nuqtasidan hisobni ochishdi – 1:0.

Ikkinchi bo‘limda ham vakillarimiz farqni tenglashtirish uchun qator imkoniyatlarga ega bo‘lishdi. Ammo 65-daqiqada Nurillo To‘xtasinov ikkinchi sariq kartochka bilan maydondan chetlatildi.

Shunga qaramay, 83-daqiqada Dramane Salou hisobni tenglashtirdi. Ammo raqib so‘nggi daqiqalarda jamoamiz hujumga o‘tib ketganidan qarshi hujumdan foydalandi – 2:1.

O‘rtoqlik o‘yini.
16 fevral (dushanba)
Astana (Qozog‘iston) – Dinamo (O‘zbekiston) – 2:1
Gollar: 44 penalti, 88 – Dramane Salou 83.
Chetlatish: N.To‘xtasinov, 60.
«Dinamo»: Yagudin, Jumaboyev, Dembele, O‘rozov, Qodirqulov, Mavretich, To‘xtasinov, Yo‘ldoshev, Amonov, Abdusalomov, Hojimirzayev.
Zaxiradan maydonga tushganlar: Nemanov, Brazil, Mustafoyev, Salou, Obloqulov, Abdullayev, Abdumannonov, Xudoyberdiyev, Xalilov, A.Hoshimov, U.Hoshimov.