"Real" hujumchisi Vinisius Junior faoliyatini "Liverpul"da davom ettirishi mumkin. Bu haqda "TNT Sport" nashri xabar bermoqda.

Manba bergan ma’lumotlarga ko‘ra, "qizillar" yarim himoyachisi Dominik Soboslai braziliyalik yulduzga qo‘ng‘iroq qilib, uni ingliz klubiga o‘tishga ko‘ndirishga harakat qilgan. Qizig‘i shundaki, "Real"ning o‘zi aynan Soboslaining transferiga qiziqish bildirmoqda.

Bir necha kun avval Vinisius "qaymoqranglilar" rahbariyatidan 2027 yilning yozigacha mo‘ljallangan shartnomani uzaytirish masalasini tezlashtirishni so‘ragan edi. Braziliyalik futbolchi "Real"da Kilian Mbappedan ko‘proq maosh olishni istamoqda.