"Реал" ҳужумчиси Винисиус Жуниор фаолиятини "Ливерпуль"да давом эттириши мумкин. Бу ҳақда "TNT Sport" нашри хабар бермоқда.
Манба берган маълумотларга кўра, "қизиллар" ярим ҳимоячиси Доминик Собослаи бразилиялик юлдузга қўнғироқ қилиб, уни инглиз клубига ўтишга кўндиришга ҳаракат қилган. Қизиғи шундаки, "Реал"нинг ўзи айнан Собослаининг трансферига қизиқиш билдирмоқда.
Бир неча кун аввал Винисиус "қаймоқранглилар" раҳбариятидан 2027 йилнинг ёзигача мўлжалланган шартномани узайтириш масаласини тезлаштиришни сўраган эди. Бразилиялик футболчи "Реал"да Килиан Мбаппедан кўпроқ маош олишни истамоқда.
