"Real" hujumchisi Rodrigo "Liverpul" qiziqishlari doirasiga tushdi. Bu haqda "Touchline" nashri xabar bermoqda.
Manba bergan ma’lumotlarga ko‘ra, "qizillar" braziliyalik futbolchi atrofidagi vaziyatni diqqat bilan kuzatib borishmoqda. Agar Muhammad Saloh yozda klubni tark etadigan bo‘lsa, "Liverpul" Rodrigoni sotib olishga harakat qilib ko‘radi.
Rodrigoning "Real" bilan shartnomasi 2028 yilning yoziga qadar mo‘ljallangan. Joriy mavsumda braziliyalik futbolchi "qaymoqranglilar" safida 26 ta o‘yinda maydonga tushib, 3 ta gol urdi va 6 ta golli uzatmani amalga oshirdi.
