Dortmundning «Borussiya» klubi posboni Gregor Kobel UYEFA Chempionlar ligasi pley-off bosqichining ilk to‘qnashuvida «Atalanta» ustidan qozonilgan uy g‘alabasi haqida fikr bildirdi. «Arilar» 2:0 hisobida zafar quchishdi.
«Jamoamiz ajoyib futbol namoyish etdi, darvoza daxlsizligini saqlab qolish muhim edi. «Borussiya» javob uchrashuviga ikkita gol farqi bilan yaqinlashmoqda. Italiyadagi bahs mutlaqo boshqacha bo‘ladi. «Atalanta» ancha agressiv o‘ynaydi, chunki ular farqni yo‘qqa chiqarishlari kerak», – deya darvozabonning so‘zlarini keltirmoqda UYEFA matbuot xizmati.
«Atalanta» va «Borussiya» o‘rtasidagi ikkinchi to‘qnashuv 25 fevral kuni Italiyada bo‘lib o‘tadi. O‘yin Toshkent vaqti bilan soat 01:00 da boshlanishi rejalashtirilgan.
