Дортмунднинг «Боруссия» клуби посбони Грегор Кобель УЕФА Чемпионлар лигаси плей-офф босқичининг илк тўқнашувида «Аталанта» устидан қозонилган уй ғалабаси ҳақида фикр билдирди. «Арилар» 2:0 ҳисобида зафар қучишди.
«Жамоамиз ажойиб футбол намойиш этди, дарвоза дахлсизлигини сақлаб қолиш муҳим эди. «Боруссия» жавоб учрашувига иккита гол фарқи билан яқинлашмоқда. Италиядаги баҳс мутлақо бошқача бўлади. «Аталанта» анча агрессив ўйнайди, чунки улар фарқни йўққа чиқаришлари керак», – дея дарвозабоннинг сўзларини келтирмоқда УЕФА матбуот хизмати.
«Аталанта» ва «Боруссия» ўртасидаги иккинчи тўқнашув 25 февраль куни Италияда бўлиб ўтади. Ўйин Тошкент вақти билан соат 01:00 да бошланиши режалаштирилган.
