Myunxenning "Bavariya" klubi yarim himoyachisi Leon Goreska yozgi transfer oynasida Londonning "Arsenal" klubining yangi futbolchisiga aylanishi mumkin.

Football Insider nashri tarqatgan xabarga ko‘ra "kanonirlar" tajribali germaniyalik futbolchini erkin agent sifatida o‘z safiga qo‘shib olishni rejalashtirmoqda. Londonliklarga Deklan Rays uchun zaxira futbolchisi kerak. Klub Goreska timsolida o‘zining jarima maydonchasidan tortib, boshqalarning jarima maydonchasigacha o‘ynay oladigan universal, jismonan baquvvat yarim himoyachini ko‘radi.

31 yoshli xavbek uchun kurashda "Arsenal"ga Angliyaning boshqa bir klubi - "Tottenxem" raqiblik qilmoqda.

Leon Bundesliganing joriy mavsumida 19 ta uchrashuv o‘tkazdi.