Мюнхеннинг "Бавария" клуби ярим ҳимоячиси Леон Горецка ёзги трансфер ойнасида Лондоннинг "Арсенал" клубининг янги футболчисига айланиши мумкин.
Football Insider нашри тарқатган хабарга кўра "канонирлар" тажрибали германиялик футболчини эркин агент сифатида ўз сафига қўшиб олишни режалаштирмоқда. Лондонликларга Деклан Райс учун захира футболчиси керак. Клуб Горецка тимсолида ўзининг жарима майдончасидан тортиб, бошқаларнинг жарима майдончасигача ўйнай оладиган универсал, жисмонан бақувват ярим ҳимоячини кўради.
31 ёшли хавбек учун курашда "Арсенал"га Англиянинг бошқа бир клуби - "Тоттенхэм" рақиблик қилмоқда.
Леон Бундеслиганинг жорий мавсумида 19 та учрашув ўтказди.
