"Liverpul" sobiq sardori Jeymi Karrager "Chelsi" bosh murabbiyi Liam Rosenyor haqidagi fikrlari bilan o‘rtoqlashdi.

"Matbuot anjumanlarida Rosenyorni kuzatsangiz, unda qandaydir o‘zgacha bir narsa borligini sezasiz. Bilmadim, balki bu shunchaki o‘zini buyuk murabbiy qilib ko‘rsatishga bo‘lgan urinishdir, lekin "Chelsi"dagi Grem Potterni eslasangiz... Menga hech qachon u "Chelsi"ga mos kelgandek tuyulmagan. Menimcha, unda bunday klubni boshqarish uchun na xarakter va na kuch bor edi. Rossenyor bilan ham shunday holat takrorlanadimi, bu qiziq", — deya Karragerning so‘zlarini "The Overlap" nashri keltirmoqda.

Liam Rosenyor shu yilning yanvar oyi boshida "Chelsi" boshqaruviga keldi. Ayni damda "ko‘klar" 44 ochko jamg‘argan holda Angliya chempionati turnir jadvalida beshinchi o‘rinni egallab turibdi.