"Ливерпуль" собиқ сардори Жейми Каррагер "Челси" бош мураббийи Лиам Росеньор ҳақидаги фикрлари билан ўртоқлашди.
"Матбуот анжуманларида Росеньорни кузатсангиз, унда қандайдир ўзгача бир нарса борлигини сезасиз. Билмадим, балки бу шунчаки ўзини буюк мураббий қилиб кўрсатишга бўлган уринишдир, лекин "Челси"даги Грэм Поттерни эсласангиз... Менга ҳеч қачон у "Челси"га мос келгандек туюлмаган. Менимча, унда бундай клубни бошқариш учун на характер ва на куч бор эди. Россеньор билан ҳам шундай ҳолат такрорланадими, бу қизиқ", — дея Каррагернинг сўзларини "The Overlap" нашри келтирмоқда.
Лиам Росеньор шу йилнинг январь ойи бошида "Челси" бошқарувига келди. Айни дамда "кўклар" 44 очко жамғарган ҳолда Англия чемпионати турнир жадвалида бешинчи ўринни эгаллаб турибди.
