Dushanba kuni "Barselona" safarda "Jirona"ga 1:2 hisobida imkoniyatni boy berdi. Tur yakunlariga ko‘ra, "ko‘k-anorranglilar" La Ligada peshqadamlikni qo‘ldan chiqarishdi. Ispaniya matbuoti "Barselona" yarim himoyachisi Frenki de Yongni tanqid qila boshladi. Niderlandiyalik futbolchi sardorlik bog‘ichi bilan maydonda 90 daqiqa harakat qildi. Ispan nashrlaridan olingan sharhlar to‘plamini "The Touchline" taqdim etdi.
"De Yong to‘pga egalik qilishni natijaga aylantira olmayapti va juda kam kreativlik ko‘rsatmoqda", — deb yozadi Marca.
"Birinchi o‘rinni qaytarib olmoqchi bo‘lgan jamoada unga yarim himoyachiga xos avtoritet yetishmayapti. U faqat bir xildagi uzatmalarni amalga oshirmoqda va himoyada qaror qabul qilishda sustlik qilyapti", — deyiladi Mundo Deportivo sahifalarida.
"De Yong "Barselona" yaqqol ustunlik qilganda yaxshi o‘yin ko‘rsatadi, ammo muvozanat buzilganda qiyinchilikka duch keladi. Aynan o‘shanda uning zaif tomonlari ko‘rinib qoladi", — deb yozdi Sport.
Hozirda "Barselona" turnir jadvalida "Real"dan ikki ochkoga ortda qolmoqda.
