«Manchester Yunayted» rahbariyati klub hujumchisi Markus Rashfordni 26 million funt sterling miqdorida sotib olish huquqi bilan «Barselona»ga ijaraga berishga rozilik berganidan afsusda. Bu haqda Mirror nashri xabar berdi.

Angliyalik futbolchi joriy mavsumda barcha musobaqalarda 34 ta uchrashuvda ishtirok etib, 10 ta gol urdi va 13 ta golli uzatma amalga oshirdi. Manba ma’lumotiga ko‘ra, «qizil iblislar» rahbariyati futbolchining transfer qiymati kamida 50 million funt atrofida bo‘lishi kerak, deb hisoblamoqda.

Futbolchining o‘zi esa kataloniyaliklar safida qolishni istamoqda. Bu esa «ko‘k-anorranglilar» uchun, agar ular angliyalik o‘yinchini to‘liq sotib olishga qaror qilsa, ustunlik berishi mumkin. Ta’kidlanishicha, ijara shartnomasida muddatidan oldin bekor qilish imkoniyati ko‘zda tutilmagan.

«Manchester Yunayted» xo‘jayini Jim Retkliff Rashfordni klub byudjetiga tushayotgan yukni kamaytirish maqsadida sotishni istamoqda. Biroq u futbolchini «Barselona»ga arzon narxda qo‘yib yuborishni xohlamaydi.