«Barselona» hujumchisi Ansu Fati faoliyati davomida «Brayton» safida to‘p surgan APLga yana qaytishi mumkin.
Daily Mail nashrining xabariga ko‘ra, «Nottingem Forest» hujumchini sotib olishga qiziqish bildirmoqda. «O‘rmonchilar» futbolchining transferi uchun Kataloniya klubiga 15 million yevro taklif qilishga tayyor.
Hozirda Ansu Fati joriy mavsum yakuniga qadar ijara asosida «Monako» sharafini himoya qilmoqda. Monegaskliklarda futbolchini sotib olish huquqi mavjud. Hujumchi «Barselona» tarbiyalanuvchisi hisoblanadi. Uning «ko‘k-anorranglilar» bilan shartnomasi 2028 yilning 30 iyunigacha mo‘ljallangan. Joriy mavsumda hujumchi barcha turnirlarda 19 ta o‘yinda maydonga tushib, 8 ta gol urishga muvaffaq bo‘ldi. Transfermarkt portali Fatining qiymatini 10 million yevroga baholamoqda.
