«Барселона» ҳужумчиси Ансу Фати фаолияти давомида «Брайтон» сафида тўп сурган АПЛга яна қайтиши мумкин.

Daily Mail нашрининг хабарига кўра, «Ноттингем Форест» ҳужумчини сотиб олишга қизиқиш билдирмоқда. «Ўрмончилар» футболчининг трансфери учун Каталония клубига 15 миллион евро таклиф қилишга тайёр.

Ҳозирда Ансу Фати жорий мавсум якунига қадар ижара асосида «Монако» шарафини ҳимоя қилмоқда. Монегаскликларда футболчини сотиб олиш ҳуқуқи мавжуд. Ҳужумчи «Барселона» тарбияланувчиси ҳисобланади. Унинг «кўк-анорранглилар» билан шартномаси 2028 йилнинг 30 июнигача мўлжалланган. Жорий мавсумда ҳужумчи барча турнирларда 19 та ўйинда майдонга тушиб, 8 та гол уришга муваффақ бўлди. Transfermarkt портали Фатининг қийматини 10 миллион еврога баҳоламоқда.