Yarim himoyachi Brunu Fernandesh shu yozda «Manchester Yunayted»ni tark etishi mumkin.
CaughtOffside nashrining xabariga ko‘ra, «qizil iblislar» portugaliyalik futbolchini shu yozgi transfer oynasida sotishga tayyor. «MYU» o‘z futbolchisining sotuvidan 100 million yevro ishlab olmoqchi. Shunga qaramay, Fernandesh kelasi mavsumda ham Manchester klubida qolishi va faoliyatini davom ettirishi mumkinligini ham istisno qilib bo‘lmaydi.
Brunu Fernandesh 2020 yilda Lissabonning «Sporting» klubidan «Manchester Yunayted»ga 65 million yevro evaziga o‘tgan edi. Uning «MYU» bilan amaldagi shartnomasi 2027 yilning 30 iyuniga qadar mo‘ljallangan. Joriy mavsumda yarim himoyachi «qizil iblislar» safida barcha turnirlarda 25 ta o‘yinda maydonga tushib, 6 ta gol urdi va 13 ta golli uzatmani amalga oshirdi.
