Ярим ҳимоячи Бруну Фернандеш шу ёзда «Манчестер Юнайтед»ни тарк этиши мумкин.

CaughtOffside нашрининг хабарига кўра, «қизил иблислар» португалиялик футболчини шу ёзги трансфер ойнасида сотишга тайёр. «МЮ» ўз футболчисининг сотувидан 100 миллион евро ишлаб олмоқчи. Шунга қарамай, Фернандеш келаси мавсумда ҳам Манчестер клубида қолиши ва фаолиятини давом эттириши мумкинлигини ҳам истисно қилиб бўлмайди.

Бруну Фернандеш 2020 йилда Лиссабоннинг «Спортинг» клубидан «Манчестер Юнайтед»га 65 миллион евро эвазига ўтган эди. Унинг «МЮ» билан амалдаги шартномаси 2027 йилнинг 30 июнига қадар мўлжалланган. Жорий мавсумда ярим ҳимоячи «қизил иблислар» сафида барча турнирларда 25 та ўйинда майдонга тушиб, 6 та гол урди ва 13 та голли узатмани амалга оширди.