Fransiyaning "Lill" klubi safida to‘p surayotgan 39 yoshli markaziy hujumchi Olivye Jiru joriy mavsum yakunlangach jamoani tark etishi mumkin.
Jurnalistlarga ma’lum bo‘lishicha, Liga 1 klubi faxriy bilan hamkorlikni davom ettirishi dargumon. Olivyening mehnat shartnomasi 2026 yil iyun oyi oxirigacha mo‘ljallangan.
Jiru "Lill" safiga o‘tgan yilning yozida kelib qo‘shilgandi. Fransiya chempionatining joriy mavsumida Olivye 20 ta uchrashuv o‘tkazib, 4 ta gol va 1 ta assistni o‘z hisobiga yozdirib qo‘ydi.
Liga 1ning 22-turidan keyin "Lill" 34 ochko jamg‘arib, turnir jadvalida beshinchi o‘rinda bormoqda.













