Франциянинг "Лилль" клуби сафида тўп сураётган 39 ёшли марказий ҳужумчи Оливье Жиру жорий мавсум якунлангач жамоани тарк этиши мумкин.
Журналистларга маълум бўлишича, Лига 1 клуби фахрий билан ҳамкорликни давом эттириши даргумон. Оливьенинг меҳнат шартномаси 2026 йил июнь ойи охиригача мўлжалланган.
Жиру "Лилль" сафига ўтган йилнинг ёзида келиб қўшилганди. Франция чемпионатининг жорий мавсумида Оливье 20 та учрашув ўтказиб, 4 та гол ва 1 та ассистни ўз ҳисобига ёздириб қўйди.
Лига 1нинг 22-туридан кейин "Лилль" 34 очко жамғариб, турнир жадвалида бешинчи ўринда бормоқда.
