«Benfika» bosh murabbiyi Joze Mourinyo Chempionlar ligasi doirasida «Real»ga qarshi kechgan o‘yinda (0:1) yuz bergan va Madrid klubi vingeri Vinisius ishtirokidagi irqchilik mojarosi fonida o‘z fikrlarini bildirdi.

«Har tomonlama qiyin o‘yin bo‘ldi. 50-daqiqagacha bahs ham jismoniy, ham taktik jihatdan imkoniyatlar chegarasida o‘tdi va bunday darajadagi o‘yin uchun zarur bo‘lgan yuqori konsentrasiyani talab qildi. Tan olishim kerak, 50-daqiqadan to hozirgi vaqtgacha sodir bo‘lgan va sodir bo‘lishda davom etayotgan voqealarni hissiy jihatdan yengib o‘tish oson bo‘lmadi. Ammo ertaga bizni muhim o‘yin kutmoqda. G‘alaba juda zarur. Biz bor e’tiborimizni jamlab, eng yaxshi darajamizni ko‘rsatishimiz kerak», — dedi Joze Mourinyo Portugaliya chempionati doirasidagi AVS klubiga qarshi bahs oldidan.