«Бенфика» бош мураббийи Жозе Моуриньо Чемпионлар лигаси доирасида «Реал»га қарши кечган ўйинда (0:1) юз берган ва Мадрид клуби вингери Винисиус иштирокидаги ирқчилик можароси фонида ўз фикрларини билдирди.
«Ҳар томонлама қийин ўйин бўлди. 50-дақиқагача баҳс ҳам жисмоний, ҳам тактик жиҳатдан имкониятлар чегарасида ўтди ва бундай даражадаги ўйин учун зарур бўлган юқори концентрацияни талаб қилди. Тан олишим керак, 50-дақиқадан то ҳозирги вақтгача содир бўлган ва содир бўлишда давом этаётган воқеаларни ҳиссий жиҳатдан енгиб ўтиш осон бўлмади. Аммо эртага бизни муҳим ўйин кутмоқда. Ғалаба жуда зарур. Биз бор эътиборимизни жамлаб, энг яхши даражамизни кўрсатишимиз керак», — деди Жозе Моуриньо Португалия чемпионати доирасидаги АВС клубига қарши баҳс олдидан.
