«Arsenal» bosh murabbiyi Mikel Arteta jamoadagi kadrlar holati haqida to‘xtalib o‘tdi. Ispaniyalik mutaxassisning so‘zlariga ko‘ra, Martin Edegor va Kay Xaversning «Tottenxem»ga qarshi Shimoliy London derbisida maydonga tushish imkoniyatlari bor.
«Yakuniy qarorni qabul qilish uchun ertagacha kutishimiz kerak. Ammo Xavers va Edegorning o‘yin qaydnomasiga kiritilgan bo‘lish ehtimoli juda yuqori», — dedi Arteta juma kungi matbuot anjumanida.
Shuningdek, Arteta jurnalistlarga «Arsenal» tarkibida yangi jarohat olgan futbolchilar yo‘qligini ma’lum qildi.
