«Арсенал» бош мураббийи Микель Артета жамоадаги кадрлар ҳолати ҳақида тўхталиб ўтди. Испаниялик мутахассиснинг сўзларига кўра, Мартин Эдегор ва Кай Хаверцнинг «Тоттенхэм»га қарши Шимолий Лондон дербисида майдонга тушиш имкониятлари бор.
«Якуний қарорни қабул қилиш учун эртагача кутишимиз керак. Аммо Хаверц ва Эдегорнинг ўйин қайдномасига киритилган бўлиш эҳтимоли жуда юқори», — деди Артета жума кунги матбуот анжуманида.
Шунингдек, Артета журналистларга «Арсенал» таркибида янги жароҳат олган футболчилар йўқлигини маълум қилди.
