Madridning «Real» klubi bosh murabbiyi Alvaro Arbeloa tizzasidan jarohat olib, muammolarga duch kelayotgan hujumchi Kilian Mbappening jismoniy holati haqidagi savolga javob berdi.

«Mbappening tizzasi bilan bog‘liq vaziyat ancha yaxshi. Jarohat hali to‘liq tuzalgani yo‘q, lekin u o‘zini ancha yaxshi his qilmoqda», — deya Arbeloaning so‘zlarini keltiradi AS nashri.

Joriy mavsumda Mbappe barcha musobaqalarda 32 ta o‘yinda ishtirok etib, 38 ta gol va 6 ta golli uzatmani amalga oshirdi. Futbolchining klub bilan amaldagi shartnomasi 2029 yilning yoziga qadar mo‘ljallangan. Transfermarkt portali ma’lumotlariga ko‘ra, uning bozor qiymati 200 million yevroni tashkil etadi.