Мадриднинг «Реал» клуби бош мураббийи Альваро Арбелоа тиззасидан жароҳат олиб, муаммоларга дуч келаётган ҳужумчи Килиан Мбаппенинг жисмоний ҳолати ҳақидаги саволга жавоб берди.

«Мбаппенинг тиззаси билан боғлиқ вазият анча яхши. Жароҳат ҳали тўлиқ тузалгани йўқ, лекин у ўзини анча яхши ҳис қилмоқда», — дея Арбелоанинг сўзларини келтиради AS нашри.

Жорий мавсумда Мбаппе барча мусобақаларда 32 та ўйинда иштирок этиб, 38 та гол ва 6 та голли узатмани амалга оширди. Футболчининг клуб билан амалдаги шартномаси 2029 йилнинг ёзига қадар мўлжалланган. Transfermarkt портали маълумотларига кўра, унинг бозор қиймати 200 миллион еврони ташкил этади.