Kataloniyaning «Barselona» klubi Ispaniya chempionati turnir jadvalida peshqadamlikni o‘z qo‘liga qaytarib oldi. Biroq «Levante»ga qarshi bahsning ilk daqiqalarida darvozabonning muvaffaqiyatli o‘yini bo‘lmaganida, hammasi boshqacha tus olishi mumkin edi. O‘yindan so‘ng germaniyalik mutaxassis darvozabon Joan Garsiyaga minnatdorchilik bildirdi.

«Bizda shunday darvozabon borligidan juda mamnunmiz. U — ajoyib reaksiyaga ega, har tomonlama mukammal golkiper», — deya Flikning so‘zlaridan iqtibos keltiradi klub rasmiy sayti.

Eslatib o‘tamiz, aynan «Barselona» Ispaniyaning amaldagi chempioni hisoblanadi. Ispaniya chempionatining navbatdagi turida klub o‘z maydonida «Vilyarreal»ni qabul qiladi. Uchrashuv fevral oyining so‘nggi kuni — 28 fevral sanasida bo‘lib o‘tadi.