Portugaliya milliy terma jamoasi bosh murabbiyi Roberto Martines Krishtianu Ronalduning jahon futbolidagi maqomini yuqori baholadi.
"Ronaldu Jahon chempionatida g‘alaba qozonadimi yoki yo‘qmi, bundan qat’i nazar, tarixdagi eng buyuk futbolchi bo‘lib qoladi", — dedi Martines "Portugal Football Summit" podkastiga tayanib "Goal" portali bergan xabarida.
Krishtianu Ronaldu fevral oyi boshida 41 yoshini nishonladi. Portugaliyalik futbolchi ajoyib jismoniy holatda va hozircha faoliyatini yakunlash niyatida emasligi ko‘rinib turibdi. Kelayotgan yozda Ronaldu Jahon chempionatida ishtirok etishi kutilmoqda. Bu Krishtianu uchun faoliyatidagi oltinchi mundial bo‘ladi.













