Fransiya terma jamoasining sobiq hujumchisi Kristof Dyugarri Madridning «Real» klubi forvardi Kilian Mbappega qilinayotgan tanqidlarga nisbatan o‘z munosabatini bildirdi. Avvalroq Ispaniya OAVlari «qaymoqranglilar» hujumchisining so‘nggi o‘yinlardagi harakatlarini past baholagan edi.
«Buni aql bovar qilmas deb hisoblayman. Bu kulgili. Agar ispanlar uni boshqa o‘zlarida ko‘rishni istamasalar, bizga qaytarib berishsin. O‘ylaymanki, o‘shanda Kilian boshqa ko‘plab odamlarni baxtli qiladi. Ammo to‘g‘risini aytsam, bu juda kulgili. Menimcha, «Real»da u yerda bo‘lishi kerak bo‘lmagan futbolchilar shundoq ham juda ko‘p. Ular haddan tashqari yuqori baholangan», — deya Dyugarrining so‘zlarini keltiradi «RMC Sport».
Mbappe 2024 yilning yozidan buyon «Real» safida to‘p surib kelmoqda. Bungacha u «PSJ» va «Monako» klublarida o‘ynagan.
