Франция терма жамоасининг собиқ ҳужумчиси Кристоф Дюгарри Мадриднинг «Реал» клуби форварди Килиан Мбаппега қилинаётган танқидларга нисбатан ўз муносабатини билдирди. Аввалроқ Испания ОАВлари «қаймоқранглилар» ҳужумчисининг сўнгги ўйинлардаги ҳаракатларини паст баҳолаган эди.
«Буни ақл бовар қилмас деб ҳисоблайман. Бу кулгили. Агар испанлар уни бошқа ўзларида кўришни истамасалар, бизга қайтариб беришсин. Ўйлайманки, ўшанда Килиан бошқа кўплаб одамларни бахтли қилади. Аммо тўғрисини айтсам, бу жуда кулгили. Менимча, «Реал»да у ерда бўлиши керак бўлмаган футболчилар шундоқ ҳам жуда кўп. Улар ҳаддан ташқари юқори баҳоланган», — дея Дюгаррининг сўзларини келтиради «RMC Sport».
Мбаппе 2024 йилнинг ёзидан буён «Реал» сафида тўп суриб келмоқда. Бунгача у «ПСЖ» ва «Монако» клубларида ўйнаган.
