"Inter" bosh murabbiyi Kristian Kivu Chempionlar Ligasi pley-off bosqichidan o‘rin olgan "Bude-Glimt"ga qarshi javob o‘yini oldidan o‘tkazilgan matbuot anjumanida norvegiyalik jurnalistni Italiya klubiga nisbatan hurmatsizlikda aybladi.
Dastlabki pley-off bahsida "Inter" safarda Norvegiyaning "Bude-Glimt" jamoasiga 1:3 hisobida yutqazdi. Matbuot anjumanida Norvegiya OAV vakili Kivudan "Bude-Glimt"dan YECHLni tark etsa, "Inter" uyatga qoladimi, deb so‘radi.
"Siz yana kulyapsiz. Tabriklayman. Futbolda uyatli narsaning o‘zi yo‘q. Klub va jamoaning ishi bor - u tomondan ham, bu tomondan ham. Biz raqibni qabul qilish va hurmat qilishga majburmiz. Sizdan farqli o‘laroq: shunday jamoaga, 50 ming aholisi bor shahar jamoasiga yutqazishdan uyalishimiz kerak, deb bizga hurmat ko‘rsatmayapsizlar.
Biz "Bude"ning bizga qarshi o‘yinda ham, Madridda "Atletiko" bilan, "Siti" va "Borussiya"ga qarshi o‘yinda ham erishgan yutuqlariga katta hurmat bilan qaraymiz. Biz raqiblarni hurmat qilamiz va ularni tabriklaymiz", dedi Kivu.
