"Интер" бош мураббийи Кристиан Киву Чемпионлар Лигаси плей-офф босқичидан ўрин олган "Буде-Глимт"га қарши жавоб ўйини олдидан ўтказилган матбуот анжуманида норвегиялик журналистни Италия клубига нисбатан ҳурматсизликда айблади.
Дастлабки плей-офф баҳсида "Интер" сафарда Норвегиянинг "Буде-Глимт" жамоасига 1:3 ҳисобида ютқазди. Матбуот анжуманида Норвегия ОАВ вакили Кивудан "Буде-Глимт"дан ЕЧЛни тарк этса, "Интер" уятга қоладими, деб сўради.
"Сиз яна куляпсиз. Табриклайман. Футболда уятли нарсанинг ўзи йўқ. Клуб ва жамоанинг иши бор - у томондан ҳам, бу томондан ҳам. Биз рақибни қабул қилиш ва ҳурмат қилишга мажбурмиз. Сиздан фарқли ўлароқ: шундай жамоага, 50 минг аҳолиси бор шаҳар жамоасига ютқазишдан уялишимиз керак, деб бизга ҳурмат кўрсатмаяпсизлар.
Биз "Буде"нинг бизга қарши ўйинда ҳам, Мадридда "Атлетико" билан, "Сити" ва "Боруссия"га қарши ўйинда ҳам эришган ютуқларига катта ҳурмат билан қараймиз. Биз рақибларни ҳурмат қиламиз ва уларни табриклаймиз", деди Киву.
