Kilian Mbappe tizzasidagi muammolar sababli «Real»ning kamida uchta o‘yinini o‘tkazib yuboradi.

Bundan avvalroq hujumchi kechagi mashg‘ulotni vaqtidan oldin yakunlagani va «Benfika»ga qarshi kechadigan javob uchrashuvida maydonga tusha olmasligi mumkinligi haqida xabar berilgan edi. «Real» klubi Mbappega kamida 10 kunlik dam olish zarur deb hisoblamoqda.

L’Equipe nashrining ma’lum qilishicha, kechagi mashg‘ulotdan so‘ng o‘tkazilgan tibbiy test natijalari Mbappening tizzasi to‘liq sog‘ayishdan hali yiroq ekanini ko‘rsatdi. «Real»dagi ayrim mutasaddilar, bosh murabbiy Alvaro Arbeloa unga umid qilayotganiga qaramay, forvard bugungi o‘yinda ishtirok etmasligi kerak, degan fikrdalar.

Kutilishicha, Mbappe La Liganing navbatdagi ikkita uchrashuvini — «Xetafe» va «Selta»ga qarshi bahslarni o‘tkazib yuboradi. Shuningdek, uning Chempionlar ligasi 1/8 finalining ehtimoliy birinchi o‘yinida qatnashishi ham so‘roq ostida qolmoqda.