Madridning «Atletiko» klubi hujumchisi Aleksandr Syorlot UEFA Chempionlar ligasi pley-off bosqichi javob uchrashuvida «Bryugge» ustidan qozonilgan yirik g‘alaba (4:1) haqida fikr bildirdi. Jamoalar Madriddagi «Sivitas Metropolitano» stadionida bahs olib borishdi. Norvegiyalik futbolchi ushbu o‘yinda xet-trik qayd etdi.
«Bu aql bovar qilmas o‘yin bo‘ldi. Biz maydonda yaxshi harakat qildik. Jamoadoshlarim menga ajoyib uzatmalarni yetkazib berishdi, menga esa faqat gol urish qoldi, xolos. Biz ustunlik qilishni uddaladik. Umuman olganda, yaxshi bahs bo‘ldi. «Bryugge» — kuchli jamoa, ularga qarshi o‘ynash doim qiyin.
2026 yildagi 10 ta gol? Mavsumning ushbu bosqichida o‘zimni juda yaxshi his qilyapman va darvoza oldidagi vaziyatlardan foydalanish — bu fantastik tuyg‘u. Oblakning golli uzatmasimi? O‘tgan uchrashuvda men imkoniyatni qo‘ldan chiqargan edim va o‘yin oldidan buni Yan bilan muhokama qilib olgandik», — deya Syorlotning so‘zlarini keltiradi «Marca» nashri.
