Мадриднинг «Атлетико» клуби ҳужумчиси Александр Сёрлот УEФА Чемпионлар лигаси плей-офф босқичи жавоб учрашувида «Брюгге» устидан қозонилган йирик ғалаба (4:1) ҳақида фикр билдирди. Жамоалар Мадриддаги «Сивитас Метрополитано» стадионида баҳс олиб боришди. Норвегиялик футболчи ушбу ўйинда хет-трик қайд этди.
«Бу ақл бовар қилмас ўйин бўлди. Биз майдонда яхши ҳаракат қилдик. Жамоадошларим менга ажойиб узатмаларни етказиб беришди, менга эса фақат гол уриш қолди, холос. Биз устунлик қилишни уддаладик. Умуман олганда, яхши баҳс бўлди. «Брюгге» — кучли жамоа, уларга қарши ўйнаш доим қийин.
2026 йилдаги 10 та гол? Мавсумнинг ушбу босқичида ўзимни жуда яхши ҳис қиляпман ва дарвоза олдидаги вазиятлардан фойдаланиш — бу фантастик туйғу. Облакнинг голли узатмасими? Ўтган учрашувда мен имкониятни қўлдан чиқарган эдим ва ўйин олдидан буни Ян билан муҳокама қилиб олгандик», — дея Сёрлотнинг сўзларини келтиради «Marca» нашри.
