«Liverpul» klubi chap qanot himoyachisi Endryu Robertson erkin agent sifatida boshqa jamoaga o‘tishi mumkin.
Shotlandiyalik futbolchining «qizillar» bilan amaldagi shartnomasi joriy mavsum yakunida nihoyasiga yetadi. «Transfer News Live» nashrining «Caught Offside»ga tayanib xabar berishicha, o‘yinchini o‘z safiga qo‘shib olishga «Aston Villa», «Kristal Pelas» va «Vulverxempton» klublari qiziqish bildirmoqda. Qayd etilishicha, bosh murabbiy Arne Slot 31 yoshli futbolchining tajribasini yuqori baholaydi, biroq klub rahbariyati kelajakda yoshroq o‘yinchilarga urg‘u berishni rejalashtirgan.
Endryu Robertson 2017 yilning yozidan buyon «Liverpul» sharafini himoya qilib kelmoqda. Joriy mavsumda lateral 25 ta o‘yinda maydonga tushib, o‘z hisobiga bitta gol va bitta golli uzatma yozdirib qo‘yishga muvaffaq bo‘ldi.
