«Ливерпуль» клуби чап қанот ҳимоячиси Эндрю Робертсон эркин агент сифатида бошқа жамоага ўтиши мумкин.
Шотландиялик футболчининг «қизиллар» билан амалдаги шартномаси жорий мавсум якунида ниҳоясига етади. «Transfer News Live» нашрининг «Caught Offside»га таяниб хабар беришича, ўйинчини ўз сафига қўшиб олишга «Астон Вилла», «Кристал Пэлас» ва «Вулверхэмптон» клублари қизиқиш билдирмоқда. Қайд этилишича, бош мураббий Арне Слот 31 ёшли футболчининг тажрибасини юқори баҳолайди, бироқ клуб раҳбарияти келажакда ёшроқ ўйинчиларга урғу беришни режалаштирган.
Эндрю Робертсон 2017 йилнинг ёзидан буён «Ливерпуль» шарафини ҳимоя қилиб келмоқда. Жорий мавсумда латераль 25 та ўйинда майдонга тушиб, ўз ҳисобига битта гол ва битта голли узатма ёздириб қўйишга муваффақ бўлди.
