«Barselona» hujumchisi Robert Levandovski uning yoshi o‘tayotgani haqidagi tanqidlarga qo‘shilmaydi.

Polshalik yulduzning ta’kidlashicha, odamlar uning o‘yiniga faqatgina yosh prizmasi orqali qaramoqdalar, vaholanki bu aldamchi qarashdir.

«Men o‘zimni juda yuqori darajada his qilyapman va harakatlanish qobiliyatim pasayganini sezmayapman. Jismoniy holat yoki futbol mahorati bobida yosh o‘yinchilardan ortda qolayotganim yo‘q. Agar har uch kunda 90 daqiqadan o‘ynash kerak bo‘lsa, bunga tayyorman», — deydi hujumchi.

37 yoshli futbolchi o‘z sport formasiga to‘liq ishonch bildirmoqda.